小封神

許丙丁著。樟樹出版社出版。本冊採用漢字拼音方式，字邊附華語注音發音註解。
《小封神》是1931年許丙丁以章回小說方式刊tī「三六九小報」ê作品，內容是lia̍h台南ê廟寺神佛kap街談巷議，加上作者ka-tī掠風搓圓所寫成ê神怪小說。小說內容khau-sé社會迷信神怪ê歹風俗，khau-sé社會賢達迎神進香，巴結人民得權勢、錢財ê心理，提倡科學教育、破除迷信風俗，推sak社會進步。

《小封神》是日本時代siōng轟動ê台語神怪小說，內容豐富之外，伊mā有tsi̍t-ê真大ê特色，許丙丁用hit當陣國民黨政府所提倡ê新國語ㄅㄆㄇ注音來做台語ê註解，hō͘台語小說有koh khah tsē人來看。

連雅堂o-ló《小封神》：「佳作也！」就ē-sài看出《小封神》tī台灣文學有相當ê地位。這本冊內底，除了會當學到正港ê台語詞，講出純正無走精ê父母話，針對註解方面mā有真大ê研究空間，是一本價值性真kûan ê台語小說。